Fratellone

Multas per gentes et multa per aequora vectus

Adevnio has miseras, frater, ad inferias,

Ut te postremo donarem munere mortis

Et mutam nequicquam adloquerer cinerem,

Quandoquidem fortuna mihi tete abstulit ipsum,

Heu miser indigne frater adempte mihi.

Nunc tamen interea haec prisco quae more parentium

Tradita sunt tristi munere ad inferias,

Accipe fraterno multum manantia fletu,

Atque in perpetuum, frater, ave atque vale.

Caio Valerio Catullo